१३ भदौ, काठमाडौं । मंगलबार बिहानै अनिता पाण्डेलाई अमेरिकाबाट एउटा फोन आउँछ । फोन गर्नेले आफू मुना पाण्डेकी साथी रहेको बताउँदै भक्कानिदै खबर सुनाउँछिन् । आफ्नी छोरी जीवित नरहेको खबर सुनेपछि अनिता छाँगाबाट खसेजस्तै हुन्छिन् ।
‘छोरीसँग अन्तिम कुराकानी बिहीबार भएको थियो । त्यो बीचमा फोन भएन । एक्कासी मंगलबार उनकी साथीले फोन गर्दै घटना सुनाएपछि के–के भयो मैले केही चाल पाइनँ,’ अनलाइनखबरको सम्पर्कमा आएकी अनिताले सुनाइन् ।